自家腸粉

多謝前輩給我自家腸粉食譜😘😘😘第一次整，都算係咁😊好開心我得左啦，能夠食到自家腸粉真係好幸福

YY食譜，自家腸粉
100g舊米＋300g水打成漿，用篩過濾至完全冇渣為止。呢個比例蒸出來會好淋身，捲功要考究。想容易捲，可加大米量至120一150g。打成幼滑米漿後＋15g油攪勻攤15分鐘。
用一個平底盤，抹上油，入鑊蒸兩分鐘，開蓋，倒一殻粉漿填滿平底盤（厚薄就考自己功夫咯），冚蓋一分鐘，開蓋加已用油伴好的蔥花蝦米，蝦米要預先浸好切碎呀！），再冚蓋蒸1分鐘，開蓋取出用麵粉刮去捲腸粉！
爭取時間，一取出蒸好腸粉就即放第二個抹好油平底盤入鑊蒸，咁就可以在10分鐘內整好一碟腸粉趁熱食！

加粟粉可以令腸粉質感責少少容易捲，但我唔喜歡果種質感。加澄麵可加彈口感，似洒樓果D玻璃鮮蝦腸，但我亦唔鍾意，腸粉就是腸粉，我喜歡充滿米香的腸粉！
記得去雜貨店買舊米！米要先浸半小時啊！

用120g米